خاتمة التحدي

السلام عليكم

جاي اشتغل بالبرمجه على لغات الترميز html و css وجاي اتطور بالكودات بيها واصمم واجهه حلوه واعرض الملابس في موقعي الالكتروني واكتب الاسعار هم 

هدفي جان من بدايه التحدي اصمم مرقع الكتروني لعرض الازياء..

التقدم انو خلصت للغتين html,css وربطتهم سوه واشتغلت ع تغيير الاكواد وظهور النتيجه بشكل حلو وجميل الادوات چانت تابعت مبرمجين وقريت شويه تحفيز للبرمجه ولهدفي هم 😁 واليويتوب والكورسات الموجوده ع المواقع الدراسيه وكتاب يضم html و css .. 

وچان الجهد كميته 3 ساعات بس اذا اجاني الواهس والحماس اگعد نص الليل اكتب كودات سويتها براسي 😁 

ايي راضيه الحمدلله كمبتدئه ايي مناسب الحمدلله ع الي وصلته ..

اتعلمت انو ماكو شي صعب اذا ردت تتعلم شي ✌️

بكل مره انجز كود ويتنفذ كلش افرح واحس بانجاز ..

تفاجئت انو العالم كلش هواي متطور وناس اصغر مني بهواي جاي تشتغل ع اشياء البرمجه وكميه ذكائهم وجمال شغلهم بهذا المجال حسيت انو انه متأخره بتعلمي للبرمجه هسه بس الوصل متأخراً خيراً من عدم الوصول ..

لاا طبعاً هدفي اتطور اكثر واخذ دورس عن قواعد البيانات وانظمه الشركات والمستشفيات وربي يسهل ان شاءالله بس شويه الماده تمنع والكهرباء 😁..

ايي ان شاءالله وره مااناقش بحث تخرجي اذب جهد اكثر واغير الوقت والاشياء كلها ..

اييي ان شاءالله ماكو شي صعب اذا ردت اكمل الموضوع هواي مرتبط بالأراده وحس التحدي ❤️✌️

التعديلات حتكون انو اغير روتيني اليومي لان جاي يأثر واقره واسمع اكثر عن الموضوع علمود يطلع بصوره حلوه ان شاءالله.

انو احقق بتصميم موقع احترافي ومتعلمه اكثر من لغه برمجيه بحيل الله ..

واخر شي ممتنه انو تعرفت ع مرتضى التميمي وع الفريق اللطيف وكميه الناس الواعيه وانو اكو ناس بعدها تهتم بتوعيه نفسها وزياده تعلمها وثقافتها وهاي غير عن اسلوبهم الحلو كل الحب والامتنان❤️

..وطبعاً لازم فديو ادز بس النت كلش ضعيف وياريت اكدز ادز ع موقع ثاني كلش اسفه