خاتمة التحدي
السلام عليكم
كل بداية صعبه وكلشي نريده لازم نمر بعقبات علمود نكمل الي بدينه بي اي شي كان حتى وأن الظررف المحيطه بينا ماتسمح لازم نحاول علمود مايبقى مكان للندم ..من دخلت كلية تربيه قسم حاسبات چنه مانفتح الحاسبات الا نادراً حتى البرمجه ما چنه نطبق الي نتعلمه بالحاسبه ولا چنت اعرف شنو البرنامج الي يستخدموه بكتابه الكودات ولا عندي موبايل او نت علمود اعرف او ابحث لان چنت اقسام داخليه فچان بالامتحان النهائي من نمتحنه نحس بصعوبه الماده واحنه مافاهمين شي وصراحه كرهت وضجت من الحاسبات بس بالمرحله الرابعه من اطلعت وشفت كميه الناس والمؤسسات وكلشي داير مدايرنه تسيطر عليه الحاسبات والبرمجه وقواعد البيانات قررت انو لازم اتعلم قابل اظل هيچ على ابو الكليه ماعلمتني فدخلت كورس ذكاء اصطناعي وكورس برمجه واخذت بيهم شهاده وكلش هل الشي حفزني انو اتعلم اكثر واشوف واطلع وادخل گروبات مبرمجين جربت مره ومرتين ماطلع نفس الي ببالي صار عندي شويه احباط وضوجه عفته واجه تحدي ال 29 يوم چان كلش محفز وخصوصاً من دخلت گروب المشتركين وشفت أعمار كلش صغيره تعرف اشياء اصلا مسامعه عنها اني فقررت ابدي بي شي بسيط بالنسبه لمستوى بالبرمجه فبديت بلغات الترميز السهله وچان التحدي صميم موقع ألكتروني لعرض الأزياء فكتبت وحاولت هواي وكلش چنت أستانس من انفذ شي ولله الحمد تعلمت بعض اللغات مثل php و جافا ولغتي التميز html وcss صح مو حد الاحتراف بس راضيه على ألي وصلتله وان شاءالله نكمل السعي والتحدي حفزني اتعلم لغات هم مثل الاسبانيه لان حبيتها والانگليزي من شفت المشتركين يتعلمون ويعرفون لغات اني هم غرت منهم 😁
شكراً لمرتضى وللفريق وشكراً لجهودهم وشكراً للمشتركين واسلوبهم ولطافتهم وتشجيعهم لبعض كل الموفقيه ياارب وان شاءالله يكون جيل متعلم وفاهم وواعي ومليان أراده وقوة حب چبير ألكم ..
صورة لطيفة وأني انفذ الكودات ❤️
تعليقات
إرسال تعليق