خاتمة التحدي

 السلام عليكم

هلا بيكم وهلا بكل الناس الجميله والمشتركين اللطيفين

بالبدايه احب اگول وصلت للجزء الصعب شويه 😅 

جاي اكتب حالياً كودات وانفذهم واجرب واعدل وحالياً بديت بلغه php اكتب بكوداتها مركزه على شكل الموقع 😁وايضاً بلغه جافا

هدفي جاي يتغيير كل 5 دقايق 🤣لان حتى لغات رحت اتعلم هدفي انو اكون مبرمجه محترفه صح يرادلها كومه تعب وشغل على نفسي بس بديتها وياكم وان شااء الله استمر واسوي الي اريده واطمح أله بحيل الله.

التقدم كتبت انو بديت اجرب بأكواد php واعدل بhtml وcss علمود شكل الموقع وجماليته وشنو استخدم الوان وصور وكذا وايضاً جاي اخذ كورس قي منصه ادراك للغه جافا ..

المصادر استعانيت هل المره بمبرمجين وشرحولي بعض الاشياء ومساعده لطيفه چانت منهم...

نفس الوقت 3 وعندي فراغي اتونس بي وافتح انفذ

صح الجهد قليل بس ان شاءالله اگعد احقق الي اريده هل الفتره ..

اتعلمت انو العالم جاي يمشي وبشكل سريع وعجيب هم واشياء كومه جاي تصير واحنه نفس مكانه يداده 🤣 

فلازم انو نتعلم ونعرف ونطلع ونتثقف ونسافر هم رجاءاً 😁

مشاعر حلوه وشعور بل الفخر بكميه الناس الي جاي تتعلم والي عدها مواهب تخبل وفاهمه وواعيه ..

كتبت بيذج المدونه شنو الي فاجئني الصغار الي بالعمر وتعوف ومطلعه على كومه اشياء وشي كلش حلو ...

لاا تغيير هدفي صار ويه البرمجه اتعلم لغات وحالياً اسباني 20% وفارسي ستوني بديت بي مدري حبيتهم هل اللغتين ..

لااا بس يجوز تتغير بالفتره الجايه

ان شاءالله ماكو شي صعب اذا موجوده الأراده التعديل حيكون بالوقت وازيد بكتابه الكودات وانفذهم حتى وأن تعبت اوماتنفذ احاول وياه لان من مايتنفذ عندي كود اضوج واسد اللابتوب 🤣

انو يتنفذ الموقع وبشكل ألي ببالي بحيل الله 💪✌️

هذا pdf من منصه أدراك شرح بسيط عن لغة جاافا 

شرح للبرنامج وكيفيه تنزيله الي راح اشتغل بي بلغه جافا

وهذا شكل موقعي الجميل واراويكم انو نشاط وكذا 😁 

وياربي كل التوفيق للجميع وممنتنه لرب العالمين على نعمه العقل وكل الناس الي جاي تساعد وكل الناس اللطيفه وحايره بنفسها وشغلها ومهتمه تطور بنفسها وشكر خاص لمرتضى ممنونين منك ❤️